甜笑默認拍拖Shopping 蒙嘉慧煮麵哄伊健

日前有人爆料指蒙嘉慧和鄭伊健十指緊扣行尖沙咀，昨日女方出席活動不但沒有否認，更風騷表示行街食飯很正常，她又指平日會煮麵給男友食，大晒恩愛！

黃宗澤（Bosco）、蒙嘉慧（YoYo）、陳法拉和陳豪等昨日出席劇集《溏心風暴》宣傳活動，對於被指跟鄭伊健十指緊扣，兼穿上情侶裝在尖沙咀Shopping，YoYo甜笑說：「行街食飯係咁啦！香港有幾大，正常生活，但我唔會情侶裝。（感情穩定唔使避忌？）我向來都唔會避忌，只係唔想騷擾其他人。（有冇下廚另一半？）我冇天分，煮公仔麵。（煮伊麵？）叫人食自己呀？」

Bosco法拉被玩

當分組玩遊戲時，緋聞男女Bosco和陳法拉被監製劉家豪擺上抬，安排兩人拗手瓜，未知Bosco是否怕胡杏兒扭耳仔，兩下就擊敗法拉，還搞到法拉手上留下紅印，而甩難的陳豪則風騷問Bosco：「有冇Feel？」十分抵死！問到被擺上抬，法拉說：「宣傳！（Bosco唔讓你？）係，所以對我係冇感情。」

而Bosco則說：「監製劉家豪講到，冇所謂啦！劉家豪話唔准讓，我都係遵照指示。（你冇憐香惜玉？）拗手瓜唔用力好難發力！我都係聽監製意思，真係左右做人難。（陳豪問你有冇Feel？）冇Feel。」

此外，對於杏兒被指事業與愛情失意，在北京拍外景時扣喉兼暴食，Bosco則力撐她：「杏兒個人好開心，亦唔覺佢有異樣，所以都唔擔心，況且杏兒有咁大間纖體公司贊助，根本唔需要扣喉。」



黃宗澤與陳法拉拗手瓜時毫不憐香惜玉，令法拉的手留下紅印，難怪她「扁晒嘴」。


與蒙嘉慧拗手瓜時，陳豪似乎力不從心。

太陽報