黃宗澤狠捏陳法拉

無新劇《溏心風暴》一班演員，昨日齊齊力谷宣傳，緋聞男女黃宗澤與陳法拉鬥拗手瓜，黃宗澤迅速拗低法拉，還使勁抓得她的手腕都是指痕！

《溏心風暴》今晚首播，眾演員昨日大搞宣傳活動，黃宗澤與陳法拉被監製劉家豪擺上，要兩人拗手瓜。不知是否怕胡杏兒扭耳仔，黃宗澤一出手即拗贏法拉，更狠狠的抓得法拉手腕都是指痕，因而被指摘不懂憐香惜玉！

跟法拉同樣傳緋聞的陳豪，因「甩難」顯得相當風騷，還開玩笑問黃宗澤「有冇feel」。陳豪又揚言今日已準備「拋個身出」，可惜只能跟蒙嘉慧拗手瓜。

事後陳法拉不停摸手腕，她自言被黃宗澤之指甲抓傷，對於黃宗澤如此重手，法拉說：「所以佢對我無感情！」

奉旨用力

至於黃宗澤，他就說對被玩無所謂：「監製玩到，無所謂啦，（你完全唔讓法拉？）劉家豪話唔准讓，我都係遵照指示！（點解唔憐香惜玉？）有乜理由拗手瓜唔用力？真係左右做人難，我都係跟監製意思！（陳豪問你有無feel？）無feel！」

除了拗手瓜外，一班藝員又鬥廚藝，黃宗澤、陳豪與法拉被編為一組，但法拉跟楊怡卻雞手鴨腳，另一組的蒙嘉慧則出茅招跟黃宗澤互相搗亂，結果由李司棋及米雪一組勝出。

此外，對於胡杏兒被指事業愛情失意，以致在北京拍外景時暴食又扣喉，黃宗澤就力撐杏兒，指她是個開心的人，所以不會擔心；又指杏兒有纖體公司贊助，根本毋須扣喉，所以他未因此聯絡杏兒。


黃宗澤抓實陳法拉的手腕時，風騷的陳豪就問黃宗澤「有無feel」？

東方日報